Xehetasunak

Kategoria: AZKEN BERRIAK

Azken eguneraketa: 05 Maiatza 2014

Bisitak: 7925

Aretxabaletako Loramendi Elkarteak Karmele Igartuaren poesiari buruzko hitzaldi-irakurraldia antolatu du. Tere Irastortza idazleak gidatuko du Karmele Igartuaren poesia irakurketa, poesia irakurtzerakoan sortzen diren galderei eta kezkei erreparatuz, eta batz ere, Karmele Igartuaren estiloari buruz hitz eginez. Ekitaldia Loramendi Elkartean burutuko da, urtarrilaren 11n, arratsaldeko 6:30etan.

Karmele Igartua Bengoa idazle aretxabaldarrak hiru poema liburu idatzi zituen Hitzak orbainetan (Euskaltzaindiaren Felipe Arrese Beitia saria irabazi zuena , ) Denbora enaren hegaletan ( Pamiela ) eta Itsaso Kontra bat ( Pamiela ). Karmele Igartua-ren prosa osorik irakur daiteke www.idazten.com orrian eta baita bere poesia lan ugari ere, horien artean osorik lehen liburua .Karmele Igartuak koordinatu zuen bere sorreratik www.idazten.com orria eeta Bergarako IDAZLE ESKOLAn ikasleek antolatutako hainbat ekimen. Tere Irastortza idazlea da Bergarako IDAZLE ESKOLAko zuzendaria eta irakasle , eta berak egin zuen Itsaso Kontra bat liburuaren edizioa.

Xehetasunak

Kategoria: AZKEN BERRIAK

Azken eguneraketa: 05 Maiatza 2014

Bisitak: 6570

Aldez aurretik Aretxabaletan eta Donostiako Udal Liburuko Sotoan aurkeztu dira Tere Irastortza eta Karmele Igartuaren liburuak. Bietan jendeak gainezka egin du. Poesia,musika eta irudiz hornitutako emanaldiko parte-hartzaileetako eta sortzaileetako hiru goierritarrak dira : Tere Irastortza, zaldibitarra, Aitor Furundarena, ordiziarra eta Iñaki Telleria, idiazabaldarra.

Azken urteetan ohi duenez, Bergarako IDAZLE ESKOLAk bere Ilunabar Literarioa antolatu du Donostian. Aurrekoetan bezala, aurten ere, Karmele Igartuaren Itsaso kontra bat (Pamiela,2011) liburua aurkeztuko da bere jaioterrian. Karmele Igartua 2010ean hil zen eta bere poemak Itziar Gomez, gidoilari, aktore irakasle eta Idazle Eskolako kideak irakurriko ditu.

Aurkezpen horretan izango da, gainera, Tere Irastortza ere eta bere Eta orain badakit liburuko poemak irakurriko ditu. Molde honetan, Karmele Igartua eta Tere Irastortzak batera zuten egitasmoa burutuko da, zeinetan, elkarren irakurle ziren bi idazleren lanak batera aurkezten diren.

Baina , irakurketan, gainera , beste bi irakurketa ere izango dira. Bata, irudi bidez, Izaskun Etxeberriak egin duena. Izaskun Etxeberriak Karmele Igartuaren Itsaso kontra bat liburuarentzat sortu ditu argazkiak. Izaskun Etxeberria, irakaslea eta Bergarako Idazle Eskolako kidea da. Beste irakurketa, musikala izango da. Aitor Furundarenak Eta orain badakit (Pamiela, 2011) libururako , Iñaki Telleria eta Garikoitz Mendizabalekin batera sortutako musikaz eramango du Beasainen. Aitor Furundarena, soinujolea, musika-sortzailea eta Musikeneko irakaslea da. Iñaki Telleria perkusionista , Barakaldoko Musika Bandako zuzendaria da, eta aspaldi, Eta orain badakit liburuko “ Perkusionista batentzako hitzak “ testuarentzat sortu zuen pieza bat.

Igartzako Gonbidapena

Aretxabaletako emanaldiaren bideoa hementxe ikus dezakezue

Xehetasunak

Kategoria: AZKEN BERRIAK

Azken eguneraketa: 05 Maiatza 2014

Bisitak: 4829

Erabiltzailearen balorazioa: 5 / 5

Lazkaon Liluratura saioen barruan hartuko du parte arratsaldeko 6:00etik 7:30etarako tartean. Webgune honetan irakur daitezke liburu hartako hainbat poema, eta entzun daitezke idazleak berak irakurrita ETA ORAIN BADAKIT ITSASO KONTRA BAT emanaldian.

Xehetasunak

Kategoria: AZKEN BERRIAK

Azken eguneraketa: 05 Maiatza 2014

Bisitak: 4481

Erabiltzailearen balorazioa: 5 / 5