Escribir

Escribir desfecha un espazo entro o pensado e o indicible

-xa que logo-:
quizais un terceiro espazo,
ese terceiro espazo que seica ocupaba o sodio
e que, polo que comentaba o doutor, existiría
porque algunhas medicinas non chegan alí onde é preciso,

e de non existir,

e de non existir

resultaría tamén abondo
para intencións e desexos, para a vontade e a esperanza,

e ao que mesmo sen existir

pódese acceder agora
co pensamento e mais a escritura,

o terceiro espazo do corpo
que absorbe e distribúe o sodio,

malia que resulte incrible.