Xehetasunak

Kategoria: AZKEN BERRIAK

Azken eguneraketa: 26 Apirila 2021

Bisitak: 2267

Erabiltzailearen balorazioa: 5 / 5

APIRILAREN 26an eta 27an MAHAI INGURUAK BILBON ETA ASTIGARRAGAN

Tere Irastortza 26an izango da “ Desmontando el canon” mahai-inguruan. Bilboko Foru Liburutegian ( Diputazio kalea 7) 18:00etatik 19:30etan. Eta 27an Astigarragan Erribera Kultur etxean.

Mahai-inguruan parte hartuko dute, gainera, Fernando Tarancónek, Iratxe Retolazak, Pilar V. de Forondak eta Marina Gilabertek. Miren Josune Muñoz izango da moderatzailea.

Mahai-ingurua gazteleraz izango da. Bertarako materialaren parte handi bat aurki zenezake euskaraz ere orri honetan:

Xehetasunak

Kategoria: AZKEN BERRIAK

Azken eguneraketa: 28 Urtarrila 2020

Bisitak: 3208

Erabiltzailearen balorazioa: 5 / 5

Gaur egungo poesiari buruzko ihardunaldiak antolatu dituzte Valentzian Centre del Carme Cultura Contemporànian, lau ardatz hauetaz hausnartuz Atzerririk? Nortasunik? Gutxiengorik? Denboraldirik?. 2020ko urtarrilaren 22an eta 23an. Tere Irastortzaz gain parte hartzaileak dira Miguel Casado, Concha García, Ana Gorria, Rodolfo Häsler, Joan Navarro, Chus Pato Jenaro Talens.

Xehetasunak

Kategoria: AZKEN BERRIAK

Azken eguneraketa: 03 Urtarrila 2020

Bisitak: 7429

Erabiltzailearen balorazioa: 5 / 5

Mikel Lizarralde BERRIA 2020ko urtarrilak 2

Aintzane Galardi Portu, Tere Irastortza eta Itxaro Borda, antologiaren aurkezpenean. JON URBE / FOKUBalea Zuriak 'Lurra eta dardara' antologia argitaratu du. Zortzi emakume poetaren lan argitaratuak eta kaleratu gabeak jaso ditu

Hamaika antologia molde dauden bezala, hamaika modutara hurbil daiteke antologia bat prestatzera doana esku artean duen material aukerara. Kanon bat planteatzeko hautua egin lezake, edo hamaika aukeraren artean proposamen bat egin. Hain zuzen ere, azken aukera horren alde egin du Balea Zuria argitaletxeak Lurra eta dardara. Zortzi ahots emakumezko antologia poetikoa prestatzeko orduan. Gehiago irakurri...

Xehetasunak

Kategoria: AZKEN BERRIAK

Azken eguneraketa: 19 Abendua 2019

Bisitak: 2896

Erabiltzailearen balorazioa: 5 / 5

GARA: Xole ARAMENDI |2019/12/17

‘Hitzak hots’ ikuskizunak bost ahots bilduko ditu asteazken honetan Chillida Lekun egingo den emanaldian. Itxaro Borda, Jule Goikoetxea, Tere Irastortza, Miren Agur Meabe eta Arantxa Urretabizkaiaren olerkiak entzungo dira, Anjel Valverdek musikatuak.

Itxaro Borda, Jule Goikoetxea, Tere Irastortza, Miren Agur Meabe eta Arantxa Urretabizkaia. Bost emakume. Bost poeta. Bost ahots. Denen hitzak hots bihurtuko dira asteazkenerako prestatu den saioan. 19.30etatik aurrera Chillida Lekun egingo da emanaldi berezia. Berezia letrak eta musika uztartuko dituen ekitaldia zuzenean grabatu egingo delako. Pello Elzaburu Pamiela argitaletxeko editoreak aurreratu duenez udaberrian ikusiko du argia grabazioak disko-liburu euskarrian.

Anjel Lertxundi eta Antton Valverde izango dituzte lagun asteazkenean. Oriotarra arduratuko da bost idazle protagonisten lanen sarrera literarioa egiteaz. «Bost poetika, bost ikuskera eta zortzi poema, zortzi kantu, hitzak hots bihurtuta. Bost poema, zortzi poema. Euskal konpas ezagunean bezala, zortziko bat osatzen du kontzertuak: 5/8 [...]», hauexek Lertxundik proiektu literario-musikal honen harira idatzi dituen hitzak.

Segidan poeta bakoitzak aurkezpena egingo du eta gero Antton Valverdek berak musikatu dituen zortzi olerkiak abestuko ditu Alos Duo –Alos Quartet-eko bi kide– taldearekin batera.

Emanaldia irekia da baina sarrera ia denak agortuta daude antolatzaileek adierazi dutenez.